ಬೆಂಗಳೂರು: ಪೆಟ್ರೋಲಿಯಂ ಬೆಲೆಗಳು ನಿರಂತರವಾಗಿ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ, ದೇಶಾದ್ಯಂತ ದ್ವಿಚಕ್ರ ವಾಹನ ವಲಯದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ಪರಿವರ್ತನೆಯಾಗುತ್ತಿರುವುದು ಕಂಡು ಬಂದಿದೆ. ಈ ಪರಿವರ್ತನೆಯನ್ನು ಇನ್ನಷ್ಟು ಸುಲಭ ಮತ್ತು ಲಾಭದಾಯಕವಾಗಿಸುವ ಉದ್ದೇಶದಿಂದ ಕಿಲ್ ದಿ ಪೆಟ್ರೋಲ್ ಬಿಲ್ ಯೋಜನೆಯಡಿ ಅಲ್ಟ್ರಾ ವೈಯಲೆಟ್ ಪರಿವರ್ತನಾ ಸಂಸ್ಥೆ ಇ ವಾಹನ ಬಳಕೆಗೆ ಒತ್ತು ನೀಡಿದೆ.
ಎಲೆಕ್ಟ್ರಿಕ್ ವಾಹನಗಳಿಗೆ ಬದಲಾಗುವುದರಿಂದ ಸಿಗುವ ಆರ್ಥಿಕ ಲಾಭ ಮತ್ತು ಕಾರ್ಯಕ್ಷಮತೆಯ ಪ್ರಯೋಜನಗಳ ಬಗ್ಗೆ ಗ್ರಾಹಕರಲ್ಲಿ ಅರಿವು ಅಲ್ಟ್ರಾ ವೈಯಲೆಟ್ ಪರಿವರ್ತನಾ ಸಂಸ್ಥೆಯು ಮೂಡಿಸುತ್ತಿದೆ.
ಈ ಯೋಜನೆಯಡಿ, ಸವಾರರು ತಮ್ಮ ಹಿಂದಿನ ವಾಹನ ಚಾಲನೆಯ ಇತಿಹಾಸ ಮತ್ತು ಬಳಕೆಯ ಆಧಾರದ ಮೇಲೆ ಲೆಕ್ಕಾಹಾಕಿದರೆ ಇವಿ , ದ್ವಿಚಕ್ರ ವಾಹನ ಖರೀದಿಯಿಂದ ಗರಿಷ್ಠ ವಾರ್ಷಿಕ ₹30,000 ವರೆಗಿನ ಪ್ರಯೋಜನಗಳನ್ನು ಪಡೆಯುತ್ತಿದ್ದಾರೆ. ಇ-ವಾಹನಗಳಿಂದ ಕಾರ್ಯಕ್ಷಮತೆ ಹೆಚ್ಚಾಗುವ ಜೊತೆಗೆ ಆಧುನಿಕ ತಂತ್ರಜ್ಞಾನದ ಬಗ್ಗೆ ಮಾಹಿತಿ ನೀಡಿ, ಗ್ರಾಹಕರಲ್ಲಿವಿಶ್ವಾಸಾರ್ಹತೆ ತರುವ ಕೆಲಸ ಮಾಡುತ್ತಿದೆ.
ಈ ಕುರಿತು ಮಾತನಾಡಿದ, ಅಲ್ಟ್ರಾ ವೈಯಲೆಟ್ ಸಂಸ್ಥೆಯ ಸಿಇಒ ಮತ್ತು ಸಹ-ಸಂಸ್ಥಾಪಕ ನಾರಾಯಣ್ ಸುಬ್ರಮಣಿಯಂ, ಗ್ರಾಹಕರು ಎಲೆಕ್ಟ್ರಿಕ್ ವಾಹನಗಳ ಬಳಕೆಗೆ ಬದಲಾಗುತ್ತಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರು ಇವಿ ಪರಿವರ್ತನೆಯನ್ನು ವೇಗಗೊಳಿಸುವ ದೃಷ್ಟಿಕೋನಕ್ಕೆ ಅನುಗುಣವಾಗಿ ನಾವು ಕಾರ್ಯನಿರ್ವಹಿಸುತ್ತಿದ್ದೇವೆ. ಎಲೆಕ್ಟ್ರಿಕ್ ವಾಹನ ಕ್ಷೇತ್ರ ಮತ್ತಷ್ಟು ಬೆಳೆಯುತ್ತಿರುವ ಹಿನ್ನೆಲೆಯಲ್ಲಿ, ದೇಶಾದ್ಯಂತ ದ್ವಿಚಕ್ರ ವಾಹನ ಸವಾರರಿಗೆ ಈ ಬದಲಾವಣೆಯನ್ನು ಹೆಚ್ಚು ಸುಲಭ ಮತ್ತು ಲಾಭದಾಯಕವಾಗಿಸುವ ಮೂಲಕ ವಿಗಳ ಬಳಕೆಯನ್ನು ವೇಗಗೊಳಿಸುವ ಕಡೆಗೆ ನಮ್ಮ ಗಮನ ಮುಂದುವರಿದಿದೆ" ಎಂದು ಹೇಳಿದರು.
