ಬೆಂಗಳೂರು: ಆನೆಕಲ್ ನ ತಿಲಕ್ ವೃತ್ತದ ಶ್ರೀ ಚೌಡೇಶ್ವರಿ ಅಮ್ಮನವರ ದೇವಾಲಯದಲ್ಲಿ “ಆನೆಕಲ್ ದಸರಾ ಮಹೋತ್ಸವ” ವೈಭವದಿಂದ ನಡೆಯುತ್ತಿದ್ದು, ನವರಾತ್ರಿಯ ನಾಲ್ಕನೇ ದಿನವಾದ ಬುಧವಾರ ರಾತ್ರಿ ವಿದ್ವಾನ್ ಎನ್. ಮಲ್ಲೇಶ್ ಆರಾಧ್ಯ ಅವರ ಮೊಮ್ಮಗಳಾದ ಚೈತ್ರಭರತ್ ತಂಡದಿಂದ ಸುಗಮ ಸಂಗೀತಗೋಷ್ಠಿ ಆಯೋಜಿಸಲಾಗಿತ್ತು.
ದೇವಾಲಯ ಸಮೀಪ ನಿರ್ಮಿಸಿದ್ದ ಭವ್ಯ ವೇದಿಕೆಯಲ್ಲಿ ಚೈತ್ರಭರತ್ ಅವರು ಭಕ್ತಿ, ಜಾನಪದ, ಸಿನೆಮಾ, ಖ್ಯಾತ ಕವಿಗಳ ರಚನೆ ಸೇರಿದಂತೆ ಎಲ್ಲಾ ಪ್ರಕಾರದ ಗೀತೆಗಳನ್ನು ಹಾಡಿ ರಂಜಿಸಿದರು. ಅಪಾರ ಭಕ್ತ ಸಮೂಹದ ಸಮ್ಮುಖದಲ್ಲಿ ಮಧ್ಯರಾತ್ರಿವರೆಗೂ ನಡೆದ ಕಾರ್ಯಕ್ರಮದಲ್ಲಿ ವಿದ್ವಾನ್ ಎಲ್ಲಪ್ಪ ಅವರು ಹಲವಾರು ಗೀತೆಗಳನ್ನು ಹಾಡಿದರು.
ಮುನಿರಾಜು ತಬಲಾ, ಅರುಣ್ ಕುಮಾರ್ ರಿದಂ ಪ್ಯಾಡ್, ಸಿ. ಸಂತೋಷ್ ಕೀ ಪ್ಯಾಡ್ ನುಡಿಸಿ ಗಮನ ಸೆಳೆದರು.
