22 Nov 2026, 06:19:49 PM|
Gold₹12413/gGold24K ₹12,413/g - 22K ₹11,369/gTap for full details
Press ID & Credential Portal
Apply / Verify  ➔
LIVE TV StateNationalPoliticsCrimeEntertainmentSportsEducationFINANCE & TAXATION
Press & Media Credential Portal
✕
1. Apply for Press ID Card
Register official reporter application with Email OTP.
➔
2. Download Approved Badge
Enter Card ID to receive authorization code via email.
3. Verify Reporter ID & Card (View Only)
For Public & Police: Check if card is authentic.
Districts

"ಆಗಸ್ಟ್ 15 – ಕೇವಲ ರಜೆ ಅಲ್ಲ, ಇದು ರಾಷ್ಟ್ರದ ಪ್ರತಿಜ್ಞೆಯ ದಿನ"

ಆಗಸ್ಟ್ 15 — ಭಾರತೀಯ ಇತಿಹಾಸದ ಅತ್ಯಂತ ಮಹತ್ವದ ದಿನ. 1947ರ ಈ ದಿನದಲ್ಲಿ ನಮ್ಮ ದೇಶವು ಅನೇಕ ಪೀಳಿಗೆಯ ಹೋರಾಟ, ತ್ಯಾಗ, ಬಲಿದಾನಗಳ ಫಲವಾಗಿ ಬ್ರಿಟಿಷರ ಆಳ್ವಿಕೆಯಿಂದ ಮುಕ್ತವಾಯಿತು. ಪ್ರತಿ ವರ್ಷ ಈ ದಿನವನ್ನು ರಾಷ್ಟ್ರದ ಪ್ರತೀ ಮೂಲೆಯಲ್ಲೂ, ಶಾಲೆ, ಕಾಲೇಜು, ಕಚೇರಿ, ಗ್ರಾಮ-ನಗರ ಎಲ್ಲೆಡೆ ತ್ರಿವರ್ಣ ಧ್ವಜ ಹಾರಿಸಿ, ರಾಷ್ಟ್ರಗೀತೆ ಹಾಡಿ, ದೇಶಪ್ರೇಮದ ಭಾವವನ್ನು ಜಾಗೃತಗೊಳಿಸುತ್ತೇವೆ.

 

ಆದರೆ, ಇಂದಿನ ವೇಗದ ತಂತ್ರಜ್ಞಾನ ಯುಗದಲ್ಲಿ ಕೆಲವು ಯುವಕರಿಗೆ ಸ್ವಾತಂತ್ರ್ಯ ದಿನಾಚರಣೆ ಕೇವಲ ರಜೆ ದಿನವಷ್ಟೇ ಎಂಬ ಭಾವನೆ ಉಂಟಾಗುತ್ತಿದೆ. ಇದು ಆತಂಕಕಾರಿ. ಸ್ವಾತಂತ್ರ್ಯ ದಿನಾಚರಣೆಯ ಅರ್ಥ, ಅದರ ಹಿಂದೆ ಇರುವ ಹೋರಾಟಗಾರರ ತ್ಯಾಗ, ರಾಷ್ಟ್ರದ ಏಕತೆಗಾಗಿ ನೀಡಿರುವ ಸಂದೇಶ — ಇವೆಲ್ಲ ತಿಳಿದಾಗ ಮಾತ್ರ ನಾವು ನಿಜವಾದ ಅರ್ಥದಲ್ಲಿ "ಸ್ವತಂತ್ರ ನಾಗರಿಕರು".

 



ಯುವಕರಿಗೆ ಸಂದೇಶ:

ಯುವಕರು ರಾಷ್ಟ್ರದ ಭವಿಷ್ಯ. ದೇಶಪ್ರೇಮ ಅಂದ್ರೆ ಕೇವಲ ದೇಶದ ಬಗ್ಗೆ ಹೆಮ್ಮೆ ಪಡುವುದಲ್ಲ; ಅದು ನಿಷ್ಠೆ, ಪ್ರಾಮಾಣಿಕತೆ, ಶ್ರಮ, ಕಾನೂನು ಪಾಲನೆ, ಹಾಗೂ ಸಮಾಜದ ಒಳಿತಿಗಾಗಿ ಸೇವೆ ಮಾಡುವ ಮನೋಭಾವ. ಪ್ರತಿಯೊಬ್ಬ ಯುವಕರೂ ತಮ್ಮ ಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮಾಡಿ, ಸಮಾಜದಲ್ಲಿ ಒಳ್ಳೆಯ ಬದಲಾವಣೆ ತರಬೇಕು. ರಾಷ್ಟ್ರದ ಅಭಿವೃದ್ಧಿ ನಿಮ್ಮ ಕೈಯಲ್ಲಿದೆ — ದೇಶವನ್ನು ಬಲಿಷ್ಠಗೊಳಿಸುವುದು ಕೇವಲ ಸೇನೆಯಲ್ಲಿ ಸೇರುವುದರಿಂದ ಮಾತ್ರವಲ್ಲ, ಒಳ್ಳೆಯ ವೈದ್ಯ, ಶಿಕ್ಷಕ, ವಿಜ್ಞಾನಿ, ಉದ್ಯಮಿ, ರೈತ, ಅಥವಾ ಜವಾಬ್ದಾರಿ ನಾಗರಿಕನಾಗಿಯೂ ಸಾಧ್ಯ.

ರಾಷ್ಟ್ರೀಯ ಹಬ್ಬಗಳ ಬಗ್ಗೆ ಜಾಗೃತಿ:

ಸ್ವಾತಂತ್ರ್ಯ ದಿನ, ಗಣರಾಜ್ಯ ದಿನ, ಹಾಗೂ ಇತರೆ ರಾಷ್ಟ್ರೀಯ ಹಬ್ಬಗಳು ಕೇವಲ ಧ್ವಜಾರೋಹಣ ಸಮಾರಂಭಗಳಷ್ಟೇ ಅಲ್ಲ. ಇವು ನಮ್ಮ ಸಂವಿಧಾನ, ಸ್ವಾತಂತ್ರ್ಯ, ಹಕ್ಕು – ಕರ್ತವ್ಯಗಳು ಮತ್ತು ರಾಷ್ಟ್ರದ ಏಕತೆ-ಸೌಹಾರ್ದವನ್ನು ನೆನಪಿಸುವ ಅವಕಾಶಗಳು. ಇಂತಹ ಹಬ್ಬಗಳನ್ನು ಗೌರವದಿಂದ ಆಚರಿಸುವುದರಿಂದ ಮಾತ್ರ ಯುವಪೀಳಿಗೆಯಲ್ಲಿ ದೇಶಪ್ರೇಮ ಮತ್ತು ರಾಷ್ಟ್ರೀಯ ಏಕತಾ ಮನೋಭಾವ ಬೆಳೆಯುತ್ತದೆ.



ಇಂದು ನಮ್ಮ ಹೊಣೆಗಾರಿಕೆ — ಈ ದಿನಗಳ ಮಹತ್ವವನ್ನು ತಿಳಿದುಕೊಳ್ಳುವುದು, ಮುಂದಿನ ಪೀಳಿಗೆಗೆ ತಿಳಿಸುವುದು, ಮತ್ತು ಹೋರಾಟಗಾರರ ತ್ಯಾಗವನ್ನು ವ್ಯರ್ಥಗೊಳಿಸದಂತೆ ಸಮಾಜ ನಿರ್ಮಾಣದಲ್ಲಿ ಸಕ್ರಿಯರಾಗುವುದು.

 

ಸ್ವಾತಂತ್ರ್ಯ ದಿನಾಚರಣೆ ಒಂದು ಉತ್ಸವವಷ್ಟೇ ಅಲ್ಲ — ಅದು ನಮ್ಮ ದೇಶದ ಜೀವಾಳವನ್ನು ಪುನರುಜ್ಜೀವನಗೊಳಿಸುವ ದಿನ. ಹೀಗಾಗಿ, ಈ ಬಾರಿಯ ಸ್ವಾತಂತ್ರ್ಯ ದಿನ, ಪ್ರತಿಯೊಬ್ಬ ಯುವಕರೂ ತಮ್ಮ ಮನದಾಳದಲ್ಲಿ ಪ್ರತಿಜ್ಞೆ ಮಾಡೋಣ:

"ನಾನು ನನ್ನ ದೇಶವನ್ನು ಪ್ರೀತಿಸುತ್ತೇನೆ, ಅದರ ಅಭಿವೃದ್ಧಿಗೆ ಶ್ರಮಿಸುತ್ತೇನೆ, ಹಾಗೂ ಅದರ ಗೌರವವನ್ನು ಕಾಯ್ದುಕೊಳ್ಳುತ್ತೇನೆ."

ಸ್ವಾತಂತ್ರ್ಯ ದಿನದ ನಿಜವಾದ ಆಚರಣೆ ಎಂದರೆ – ಹೋರಾಟಗಾರರ ತ್ಯಾಗವನ್ನು ನೆನಸಿಕೊಳ್ಳುವುದು, ಜವಾಬ್ದಾರಿ ನಾಗರಿಕರಾಗುವುದು ಮತ್ತು ರಾಷ್ಟ್ರದ ಪ್ರಗತಿಗೆ ಕೊಡುಗೆ ನೀಡುವುದು.

ಡಾ.ವೆಂಕಟೇಶ್ ಬಾಬು, ದಾವಣಗೆರೆ

Author
Visva Nudi
is Digital Online Newspaper, Publishing Platform From INDIA. Karnataka, National & International, Updates including Politics, Business, Crime, Education, Sports, Science, Current Affairs. Latest Breaking News From India & Around the World.
Comments (0)
Comments appear after approval.
WhatsApp

Don't Miss Out! Join Our WhatsApp Group!

Get latest news updates delivered straight to your WhatsApp.

LATEST
ದೀಪಗಳ ಹಬ್ಬದ ಮಹತ್ವ, ಆಚರಣೆಯ ವಿಧಿ ವಿಧಾನ ಇಲ್ಲಿದೆಕೋಡಿಹಳ್ಳಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕನ್ನಡ ರಾಜ್ಯೋತ್ಸವ ಆಚರಣೆಇಟಲಿಯ ಹೈಡ್ರೋನಿಕ್' ಸಂಸ್ಥೆ ಹಾಗೂ 'ಲಿಫ್ಟ್ ಎಕ್ಸ್ಪೋಗೆ' ಡಾ. ಬಿ.ಎಂ. ಉಮೇಶ್ ಕುಮಾರ್ ಭೇಟಿಮಕ್ಕಳನ್ನು ಮೊಬೈಲ್ನಿಂದ ದೂರವಿಟ್ಟು ಕ್ರೀಡೆಗಳಲ್ಲಿ ತೊಡಗಿಸಿ: ಬಸವರಾಜ್ ಶೀಲವಂತರ್ ಕರೆನಕಲಿ ಮತದಾರರಿಗೆ ರಕ್ಷಣೆ ನೀಡುವುದೇ ಎಸ್ಐಆರ್ ವಿರೋಧಿಗಳ ಅಜೆಂಡಾ ಅಲ್ಲವೇ?” – ಪ್ರಭಾಕರ್ ರಾಗಿ ಅಂಗಡಿಗೆ ಬಂದವರನ್ನು ಪ್ರೀತಿಯಿಂದ ಮಾತನಾಡಿಸುತ್ತಾರೆಹಳ್ಳಿ-ಹಳ್ಳಿಗೆ ತೆರಳಿ ಕಾಂಗ್ರೆಸ್ ಭದ್ರಕೋಟೆ ನಿರ್ಮಿಸುತ್ತಿರುವ ಡಾ. ಯೋಗೇಶ್ ಬಾಬುವಾಲ್ಮೀಕಿನಾಯಕ ಸಮಾಜದವರು ಖಡ್ಗದ ಬದಲಾಗಿ ಶಿಕ್ಷಣದ ಅಸ್ತ್ರಹಿಡಿಯಿರಿಚಲನಚಿತ್ರ ನಟ, ನಿರ್ದೇಶಕ ಚಂದ್ರಹಾಸ ಆಳ್ವರಿಗೆ ಸನ್ಮಾನಶ್ರೀ ಕೃಷ್ಣ ರುಕ್ಮಿಣಿ ಸ್ಕೂಲ್ ಆಫ್ ಲಾದಲ್ಲಿ ಫ್ರೆಷರ್ಸ್ ಡೇ ಹಾಗೂ ಕನ್ನಡ ರಾಜ್ಯೋತ್ಸವ